Zure taldean garatutako diseinu didaktikoaren gai zein den azaldu, lanaren atalak zerrendatu eta gainetik azaldu zertan datzaten, lana egiterakoan aurkituriko zailtasunik handienak aipatu, lanetik ateratako ondoriorik interesgarrienak aipatu, hobetzeko ildoak deskribatu.
Geure taldean (Loreak taldea) garatutako diseinu didaktikoaren gaia gorputza da. Gai honi erreferentzia eginez, hainbat jakintza garatu genuen 5 urteko Haur Hezkuntzako ikasgela batean lantzeko, hala nola, gorputzaren atalak zeintzuk diren jakinaraztea, hezurrak, liseriketa-aparatua, elikadura, etab nabarmenenak izanik. Ezinbestekotzat ikusten dugu txiki-txikitatik lantzea Haur Hezkuntzako klase batean, etorkizunean gai honi buruzko jakintzak aberatsak izateko. Gorputza gaiaren ikuspuntuak sakontzeko, teoria zein praktika erabili ditugu, era horretan, poliki-poliki haien garunean barneratzeko. Lan hau, hainbat ataletan banatu ditugu, ikasleak era argiago batean ikus dezaten eduki oro: alde batetik, alde terikoari dagokionez, hezitzailea/irakaslea azalduko du era erraz eta sakon batean hezurren atalak eta izenak, liseriketa-aparatuaren izenak zein funtzioak eta haien kokalekua, elikadurari buruzko jakintza oro (haien artean, osasuntsuak eta kaltegarriak diren elikagaiak azalduz), etab....